BASES DO CONCURSO DE BANDAS ROCK IN RÍO TEA 2022
1.- Inscrición no concurso
- A inscrición é gratuíta.
- Requisitos para a inscrición: os compoñentes dos grupos deberán ser maiores de 18 anos ou maiores de 16 presentando unha autorización do seu titor/a legal para a súa participación no Concurso.
- Os compoñentes dos grupos só poderán pertencer a unha banda das preseleccionadas. En caso de incumprir esta condición a organización poderá descualificar a unha das bandas afectadas.
- O repertorio das bandas pode ser propio ou versionado, non podendo superar as versións o 40% do tempo da actuación.
- Para inscribirse, as bandas deberán completar o formulario da páxina web https://www.galicianbrew.com/concurso-de-bandas-rock-in-rio-tea-2022 indicando:
- Correo electrónico (requerido)
- Teléfono de contacto (requerido)
- Nome da banda (requerido)
- Rider da banda (requerido)
- Enlace á canción principal. Pedímosvos que nos enviedes a vosa canción máis representativa, o voso mellor hit. Poderá estar en spotify, bandcamp, youtube ou calquera plataforma. Deberá ser unha soa canción (requerido)
- Enlace para escoitar máis música da banda (Canal de spotify, bandcamp, youtube, etc…) (requerido)
- Canal de videos da banda. (opcional)
- Enlace de facebook da banda (opcional)
- Instagram da banda(opcional)
- Dosier da banda (opcional)
- A data límite de inscrición será o 1 de marzo de 2022. A organización do Concurso resérvase o dereito a ampliar este prazo.
2.- Preselección de grupos
- De todas as bandas inscritas, a organización do concurso elixirá 8, que serán as que concursen polos premios.
3.- Formato do concurso
- O concurso levarase a cabo no Pub JJ Copas de Ponteareas.
- Haberá tres fases: Primeira Fase, Semifinais e Final.
- Todas as fases están formadas por eliminatorias entre 2 bandas. A banda gañadora de cada enfrontamento pasa á seguinte rolda.
- En cada eliminatoria farase un sorteo para decidir que banda é a que toca primeiro.
- O concerto de cada banda durará 40 minutos, habendo 15 minutos para o cambio de banda.
- O horario dos concertos acordarase antes do inicio do concurso tendo en conta as posibles restricións de horario de peche que estean vixentes.
- Haberá unha primeira fase de 4 eliminatorias e os catro gañadores pasarán ás semifinais. A segunda fase (semifinais) constará de dúas eliminatorias, onde os dous gañadores pasarán á final, onde se decidirá o gañador.
- A organización resérvase o dereito a decidir os emparellamentos nas eliminatorias.
- En caso de que a organización non acade un acordo cunha banda para as datas das eliminatorias, esta resérvase o dereito de substituír á banda en cuestión por outra das inscritas ou por unha das bandas eliminadas anteriormente, se se dera o caso.
4.- Puntuacións en cada eliminatoria
- En cada concerto eliminatoria, o gañador decidirase por votación, atendendo a 3 xurados distintos. Cada xurado outorgará 1 punto á banda que considere gañadora:
- Xurado popular. O local repartirá papeletas coas consumicións para votar aos grupos. Poderanse entregar máis de unha papeleta por persoa (segundo as consumicións). A banda que obteña máis papeletas gañará o punto do público. En caso de empate no reconto de papeletas, o punto do público non será para ningún dos grupos.
- Xurado do JJ Copas. O local organizador disporá dun xurado que votará internamente quen considera que gañou a eliminatoria. Repartirá, por tanto, o segundo punto da eliminatoria.
- Xurado de Rock in Río Tea: Un xurado formado pola organización do Concurso votará internamente e outorgará o terceiro punto á banda que considere gañadora da eliminatoria.
- Ningún dos xurados coñecerá a votación dos outros dous no momento de facer as súas votacións.
- O gañador será o grupo que obteña máis puntos. En caso de empate, decidirá o voto do Xurado do Rock in Río Tea (Só se podería dar un empate no caso de que se produza empate no reconto do voto do público).
5.- Premios
- PRIMEIRO CLASIFICADO (Gañador do concurso): 1.000€ e a posibilidade de tocar no vindeiro Festival Rock in Río Tea 2022.
- SEGUNDO CLASIFICADO (FINALISTA): 400 €.
- SEMIFINALISTAS : 200 €.
A entrega dos premios realizarase segundo se pasen as eliminatorias. Deste xeito:
- O gañador obterá 200 € na semifinal e 800 € tras gañar a final para chegar á cantidade de 1000 €.
- O segundo clasificado recibirá 200 € na semifinal e outros 200 € na final para chegar á cantidade de 400 €.
- Os semifinalistas recibirán o premio de 200 € na semifinal.
- Na primeira rolda non se entregará ningún premio.
Non se pagarán gastos de viaxe nin aloxamento, correndo estes a cargo das bandas cando fosen necesarios.
6.- Datas das eliminatorias
- PRIMEIRA FASE
- Sábado 12 de marzo de 2022
- Sábado 19 de marzo de 2022
- Sábado 2 de abril de 2022
- Sábado 9 de abril de 2022
- SEMIFINAIS
- Sábado 23 de abril de 2022
- Sábado 7 de maio de 2022
- FINAL: Sábado 21 de maio de 2022
A organización resérvase o dereito a poder modificar estas datas, avisando ás bandas con anterioridade.
7.- Normas de obrigado cumprimento para as bandas
- Rider: Como xa indicamos na inscrición, é obrigatorio entregar o Rider da banda e que este se axuste á realidade da formación o día do concerto. En caso de sufrir algún cambio, deberase avisar ao técnico da sala con antelación.
- Batería: Os grupos deberán aportar e poñerse de acordo na batería a utilizar. Só se permitirá cambiar a caixa e os pratos entre os 2 concertos. En caso de non existir acordo, o técnico da sala decidirá a batería a utilizar. A organización porá a disposición das bandas unha batería de cortesía por si prefiren non traer unha. A batería de cortesía non terá pratos nin caixa, nin pedal de bombo. As bandas deberán levar os seus.
- Backline: Os grupos deberán aportar e poñerse de acordo na utilización do backline (amplificadores). Se isto non fose posible, será o técnico da sala quen decida. A organización porá a disposición das bandas un amplificador de baixo.
- Técnico Propio: En caso de que a banda teña un técnico de son propio deberá comunicalo á organización con antelación, e este será supervisado polo técnico da organización.
- Os días de concerto os grupos deben presentarse na sala co backline acordado á hora acordada polo técnico da sala, que se porá en contacto con eles con antelación.
- Comportamento: En todo o momento, as bandas deberán ter un comportamento respectuoso coa sala, a organización e o público.
- En caso de que algunha banda non cumpra algunha destas normas, a organización poderá descualificala e substituíla por outra banda das inscritas ou por unha das eliminadas anteriormente se se dese o caso.
8.- Máis información sobre o Concurso
- Na páxina de Facebook de Rock in Río Tea (www.facebook.com/festivalrockinrioteaponteareas) iremos publicando máis información relativa ao Concurso.
9.- Suspensión do concurso
- No caso de ter que suspender o concurso por restricións sanitarias ou calquera outro problema, repartiranse os premios segundo a fase acadada:
- Suspendido nas eliminatorias previas: non se repartirán premios
- Suspendido nas semifinais: Os semifinalistas recibirán 200 euros cada un
- Suspendida a final: Os 2 finalistas recibirán 200 euros máis aparte dos 200 euros por ser semifinalistas